ალექსი არესტოვიჩი - რუსეთის შეტევა აღმოსავლეთ უკრაინაში ორ-სამ კვირაში დასრულდება - მათ დარჩათ მხოლოდ 15 000 დაღლილი ჯარისკაცი

აღმოსავლეთ უკრაინაში რუსეთის შეტევა ორ-სამ კვირაში დასრულდება. ამის შემდეგ შესაძლოა, აქტიური საომარი მოქმედებები შეწყდეს და ომი გადავიდეს პოზიციურ ფაზაში. ამის შესახებ ინფორმაციას პრეზიდენტის აპარატის უფროსი მრჩეველი ალექსი არესტოვიჩი ავრცელებს.

„ორ-სამ კვირაში დასრულდება ეს შეტევა. ამასთან, სავსებით შესაძლებელია, რომ ომის აქტიური ფაზაც დასრულდეს, რადგან რუსეთის ჯარებს თავდასასხმელი აღარაფერი დარჩათ“, - განაცხადა არესტოვიჩმა.

მისი თქმით, ახლა რუსული ძალები საკმაოდ აქტიურად მიიწევენ უკრაინის აღმოსავლეთში, მაგრამ მათთვის პრობლემაა ის, რომ ეს არის არახელსაყრელი რელიეფი შეტევისთვის და იქ შეკრებილი ძალები გადამწყვეტი გამარჯვებისთვის საკმარისი არ არის.

არესტოვიჩმა აღნიშნა, რომ რუსი სამხედროების ამოცანა თავდაპირველი გეგმის ჩავარდნის შემდეგ, ლუგანსკის და დონეცკის რეგიონების აღების შესახებ გამარჯვების გამოცხადებაა.

„შემდეგ მათ უნდათ კამპანიის შეზღუდვა. დაბრუნება მოლაპარაკებებზე, რომლის მთავარი ამოცანაა სანქციების მოხსნა. აი, ასეთია კრემლის ისტორია, რადგან მათ უნდათ, რომ ომის ორი თვის თავზე რუს ხალხს რაიმე უთხრან. განსაკუთრებით აღდგომის დღესასწაულზე, მაგრამ ისე არ მოხდა, როგორც ელოდნენ“, - განაცხადა არესტოვიჩმა.

არესტოვიჩის განცხადებით, რუსეთმა თავი მოუყარა „უკანასკნელ ოპერატიულ რეზერვებს“ აღმოსავლეთში, და მათ დარჩათ მხოლოდ 15,000 დაღლილი ჯარისკაცი კიევის, ჩერნიგოვისა და სუმის მახლობლად ბრძოლებიდან.

„არ ვიცი, საიდან მიიღებენ ახალ რეზერვებს. მათ მომზადებას მინიმუმ ერთი თვე ან თუნდაც ორი სჭირდება. ამ ხნის განმავლობაში ბევრი რამ შეიძლება მოხდეს. სანქციებიც დაიწყებს მოქმედებას, საერთაშორისო დონეზე ცვლილებები მოხდება. ამ დროის განმავლობაში უკრაინის შეიარაღებული ძალები მნიშვნელოვნად გაძლიერდება. რუსეთს კი არსაიდან შეუძლია გაძლიერება“, - აღნიშნა არესტოვიჩმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა