რუსეთის პრეზიდენტის, ვლადიმერ პუტინის განცხადებით, „ეფესბემ“ ჩაშალა ტერორისტული ჯგუფის მცდელობა, რუსი ჟურნალისტი მოეკლათ.

„დღეს დილით უსაფრთხოების ფედერალურმა სამსახურმა შეაჩერა ტერორისტული ჯგუფი, რომელიც გეგმავდა ცნობილ რუს ჟურნალისტზე თავდასხმას და მის მოკვლას“, - განაცხადა პუტინმა რუსეთის გენერალური პროკურატურის საბჭოს სხდომაზე.

„რა თქმა უნდა, ახლა ამას უარყოფენ, მაგრამ ფაქტები და მტკიცებულებები უდავოა“, - აღნიშნა პუტინმა.

მანამდე რუსულ მედიაში გავრცელდა ინფორმაცია, რომ „ეფესბემ“ დააკავა ნეონაცისტების ჯგუფი, რომელიც, უკრაინის უშიშროების სამსახურის დაკვეთით, ჟურნალისტ ვლადიმირ სოლოვიოვის მკვლელობას ამზადებდნენ.