უკრაინის თავდაცვის მინისტრმა ამერიკის შეერთებულ შტატებს სამხედრო დახმარებისთვის მადლობა გადაუხადა და ორ ერს შორის ურთიერთობას "ნამდვილი ძმობა" უწოდა.
ალექსეი რეზნიკოვმა შესაბამისი განცხადება Twitter-ზე გამოაქვეყნა და გამოეხმაურა კიევში აშშ-ის სახელმწიფო მდივნის ანტონი ბლინკენისა და აშშ-ს თავდაცვის მდივნის ლოიდ ოსტინის ვიზიტს.
რეზნიკოვმა აღნიშნა, რომ ბაიდენის ადმინისტრაციის მხარდაჭერა "ფასდება არა ფულით, არამედ უკრაინელების გადარჩენილი სიცოცხლით".
ალექსეი რეზნიკოვმა ასევე გაავრცელა ვიდეო, სადაც ჩანს, როგორ ართმევს ხელს ლოიდ ოსტინს, რომელსაც თან აქვს წარწერა: "ეს უფრო მეტია, ვიდრე სახელმწიფო ჩინოსნებს შორის პარტნიორობა - ეს არის ნამდვილი ძმობა".