კიევში ღამის „კომენდანტის საათი“ ამოქმედდა

კიევში, რუსეთის პროვოკაციული ქმედებების გამო, ორშაბათიდან პარასკევამდე ღამის „კომენდანტის საათი“ იმოქმედებს, - ამის შესახებ კიევის ოლქის სამხედრო ადმინისტრაციის ხელმძღვანელმა, ალექსანდრ პავლიუკმა განაცხადა.

მისი თქმით, „კომენდანტის საათი“ საღამოს 10 საათიდან დილის 5 საათამდე იმოქმედებს.

„შეგახსენებთ, რომ „კომენდანტის საათის“ დროს აკრძალულია ქუჩაში და სხვა საზოგადოებრივი თავშეყრის ადგილებში ყოფნა, ტრანსპორტით ან ფეხით გადაადგილება“, - განაცხადა პავლიუკმა.

მისი თქმით, „კომენდანტის საათის“ დროს გადაადგილების უფლება აქვთ მხოლოდ კრიტიკული ინფრასტრუქტურის სამუშაოებში ჩართულ პირებს.