თურქეთის სასამართლომ აქტივისტსა და ფილანთროპს, ოსმან კავალას სამუდამო პატიმრობა მიუსაჯა, - ინფორმაციას BBC ავრცელებს.

თურქეთის სასამართლომ კავალა დამნაშავედ ცნო 2013 წლის საპროტესტო გამოსვლების დაფინანსებასა და 2016 წელს მთავრობის დამხობის მცდელობაში მონაწილეობაში.

BBC-ი წერს, რომ თურქეთის საერთაშორისი მოკავშირეები კავალას საქმეს პოლიტიკურად მოტივირებულად მიიჩნევენ.

თურქეთის გადაწყვეტილებას შეერთებულმა შტატები გამოეხმაურა და განაცხადა, რომ კავალას მიმართ გამოტანილი განაჩენი უსამართლოა.

„მის მიმართ გამოტანილი უსამართლო განაჩენი არ შეესაბამება ადამიანის უფლებების, ფუნდამენტური თავისუფლებებისა და კანონის უზენაესობის პატივისცემას“, - ნათქვამია აშშ-ის სახელმწიფო დეპარტამენტის განცხადებაში.

ოსმან კავალა უკვე ოთხ წელზე მეტია, პატიმრობაში იმყოფება. ის ბრალდებებს უარყოფს.