შეერთებულმა შტატებმა ახალი ვებ-პორტალი გახსნა, რომელიც საშუალებას მისცემს აშშ-ში მცხოვრებ სპონსორებს, შეიტანონ განაცხადი და უკრაინელ ლტოლვილებსა და მათი ოჯახის წევრებს აშშ-ში ორ წლამდე ვადით დარჩენაში დაეხმარონ.

პროგრამა, სახელწოდებით „გაერთიანება უკრაინისთვის“, პრეზიდენტმა ჯო ბაიდენმა გასულ კვირას დააანონსა და შეერთებულ შტატებში 100 000-მდე უკრაინელის ჩასვლას ითვალისწინებს.

სავარაუდო სპონსორებმა უნდა შეავსონ ფორმა, რომ დაიცვან „ინდივიდები, რომელთა მხარდაჭერაზეც თანხმდებიან, ექსპლუატაციისა და შეურაცხყოფისაგან და უზრუნველყონ, რომ შეუძლიათ ფინანსურად მხარი დაუჭირონ მათ.“ ამის შემდეგ ინფორმაციას აშშ-ის ხელისუფლება გადაამოწმებს.

ვებ-პორტალზე აღნიშნულია, რომ უკრაინელებს, რომლებიც ქვეყანაში მოქმედი ვიზის ან წინასწარი ნებართვის გარეშე ჩადიან, შეიძლება უარი ეთქვათ შესვლაზე და მოსთხოვონ, რომ განაცხადი პროგრამის მეშვეობით შეიტანონ.