მახათას ივერიის ყოვლადწმინდა ღვთისმშობლის ხატის სახელობის ტაძრის დღესასწაულთან დაკავშირებით, ივერიის ყოვლადწმინდა ღვთისმშობლის ხატის სახელობის ტაძარში საღმრთო ლიტურგია მიმდინარეობს.

წირვას სრულიად საქართველოს კათოლიკოს-პატრიარქის მოსაყდრე, სენაკისა და ჩხოროწყუს მიტროპოლიტი შიო აღავლენს.

წირვის დასრულების შემდეგ მეუფე შიო მრევლს ქადაგებით მიმართავს. ამასთან, ტაძარში ლოცვა 17:00 საათზე დაიწყება.

ცნობისთვის, ბრწყინვალე შვიდეულის სამშაბათს მახათას ივერიის ყოვლადწმინდა ღვთისმშობლის ხატის სახელობის ტაძრის დღესასწაული აღინიშნება.