დროებით ოკუპირებული ხერსონის მოსახლეობა ხვალ, ე.წ „რეფერენდუმის“ დღეს მასშტაბური საპროტესტო აქციის გამართვას გეგმავს, - ინფორმაციას უკრაინული მედია ხერსონის საზოგადოებზე დაყრდნობით ავრცელებს.

„შეხვედრა გაიმართება თავისუფლების მოედანზე, 27 აპრილს, 10:00 საათზე. ერთი დღის შემდეგ, შეიძლება გვიანი იყოს! ჩვენს მიწას ოკუპანტებს არ მივცემთ!“ - ნათქვამია განცხადებაში.

აქციის მონაწილეები მოსახლეობას მოუწოდებენ, ქუჩებში უკრაინის დროშებით გამოვიდნენ.

ხერსონი რუსულმა ჯარებმა 2 მარტს დაიკავეს. ამის შემდეგ ქალაქში სისტემატურად იმართება უკრაინის მხარდამჭერი აქციები.

ოკუპირებულ ხერსონში ე.წ. „ხერსონის სახალხო რესპუბლიკის“ შექმნის შესახებ „რეფერენდუმის“ ჩატარება 27 აპრილს იგეგმება.