უკრაინის ქალაქ მიკოლაევის ადმინისტრაცია რუსი სამხედროების მხრიდან თავდასხმის ან ალყის მოლოდინშია.
როგორც ქალაქის მერმა ალექსანდრ სენკევიჩმა განაცხადა, მიკოლაევში თავდაცვით შეიარაღებას ამზადებენ.
მერის თქმით, რუსეთი ყირიმის გავლით იარაღსა და რესურსებს ხერსონის ოლქში აგროვებს.
„ჩვენ ვხედავთ, რომ რუსეთი იარაღსა და რესურსებს ხერსონის ოლქში აგროვებს და დიახ, ჩვენ ველით ქალაქ მიკოლაევზე თავდასხმას ან ალყას. დღეს უკვე ჩვენს დამცველებთან ერთად ვამზადებთ თავდაცვით შეიარაღებას, როგორც ქალაქის შემოგარენში, ისე მის შიგნით. გარდა ამისა, ჩვენ ველიდან გამოგვყავს რუსეთის სამხედრო ტექნიკა.. ასე, რომ გეტყვით მოკლედ: ჩვენ ვემზადებით სრულმასშტაბიანი შემოჭრისთვის“,- განაცხადა სენკევიჩმა.