ზაპოროჟიეში რუსული ძალების მიერ ნასროლი ორი რაკეტა ერთ-ერთი საწარმოს ტერიტორიას მოხვდა. შედეგად ერთი ადამიანი გარდაიცვალა, ერთი კი - დაშავდა.
ამის შესახებ ინფორმაციას ზაპოროჟიეს რაიონული სამხედრო ადმინისტრაცია ავრცელებს.
„ახლა ცნობილია, რომ დილით ერთ-ერთი საწარმოს ტერიტორიას რაშისტების მიერ მართული ორი რაკეტა მოხვდა. მესამე რაკეტა ჰაერშივე აფეთქდა“,- ნათქვამია ინფორმაციაში.
სარაკეტო იერიშის შედეგად ასევე დაზიანდა და განადგურდა საწარმოს ინფრასტრუქტურული ობიექტები.
ადგილზე მუშაობს ყველა შესაბამისი უწყება.
„წინასწარი მონაცემებით, ცნობილია ერთი დაღუპულისა და ერთი დაშავებულის შესახებ. მიმდინარეობს თავდასხმის შედეგების ლიკვიდირება, შესაბამისად, დაშავებულთა რაოდენობა შეიძლება კიდევ დაზუსტდეს“,- ნათქვამია ზაპოროჟიეს რაიოონული სამხედრო ადმინისტრაციის განცხადებაში.