პროკურატურამ პარტნიორ უწყებებს ოჯახური დანაშაულის ჩამდენი ბრალდებულების მიმართ ელექტრონული ზედამხედველობის გამოყენების და ახალი აღკვეთის ღონისძიების დამატების ინიციატივა წარუდგინა

საქართველოს გენერალურ პროკურატურაში სისხლის სამართლის საპროცესო კოდექსში განსახორციელებელი ცვლილებების პრეზენტაცია გაიმართა.

ღონისძიება გენერალური პროკურორის მოადგილემ ნათია მერებაშვილმა გახსნა და მას საქართველოს პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარე მიხეილ სარჯველაძე, იუსტიციის მინისტრის მოადგილე ვალერი ლომუაშვილი, შინაგან საქმეთა მინისტრის მოადგილე ალექსანდრე დარახველიძე, სპეციალური პენიტენციური სამსახურის ხელმძღვანელი ნიკა ცხვარაშვილი, იუსტიციის სამინისტროს, შინაგან საქმეთა სამინისტროს, ამერიკის შეერთებული შტატების საელჩოს და გაეროს ქალთა ორგანიზაციის წარმომადგენლები ესწრებოდნენ.

შეხვედრაზე საქართველოს პროკურატურის მიერ შემუშავებული, სისხლის სამართლის საპროცესო კოდექსში განსახორციელებელი ცვლილებები განიხილეს, რომელიც მიზნად ისახავს ოჯახური დანაშაულის ჩამდენი ბრალდებულების მიმართ ელექტრონული ზედამხედველობის გამოყენებას და საპროცესო კოდექსში ახალი აღკვეთის ღონისძიების შემოღებას. შეხვედრის მონაწილეებმა პროკურატურის მიერ შემუშავებული ცვლილებების შესახებ ისაუბრეს და ამ მიმართულებით შემდგომი ნაბიჯები დაგეგმეს.

პროექტით გათვალისწინებული ცვლილებების განხორციელება შეამცირებს პატიმრობის გამოყენებას ყველა კატეგორიის დანაშაულზე. ამავდროულად, ოჯახური დანაშაულის ჩამდენი პირების მიმართ არასაპატიმრო აღკვეთის ღონისძიების გამოყენებისას შექმნის ბრალდებულის დაზარალებულთან მიახლოების აკრძალვის აღსრულების ეფექტიან მექანიზმს, რაც ოჯახური დანაშაულის დაზარალებულებს შეუქმნის დაცვის მეტ გარანტიებს და შეამცირებს ბრალდებულის მხრიდან ძალადობის განმეორების რისკებს.

პროექტის განხილვა, უახლოეს მომავალში, უფრო ფართო საზოგადოების ჩართულობით გაგრძელდება.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს