უკრაინის პრეზიდენტის ოფისის ხელმძღვანელის მრჩევლის, ალექსი არეტოვიჩის განცხადებით, არც მოლდოვის და არც საქართველოს ხელმძღვანელობა მზად არ არიან, ე.წ. მეორე ფრონტის შესახებ გადაწყვეტილება მიიღონ.

შეკითხვაზე: „განვიხილავდით სადმე მეორე ფრონტის გაჩენის შესაძლებლობას იმისთვის, რომ, პირდაპირ ვთქვათ, თავის ტკივილი შევუქმნათ მოსკოვს?“ - არესტოვიჩმა უპასუხა, რომ არც მოლდოვისა და არც, მით უმეტეს, საქართველოს ხელმძღვანელობა ასეთი გადაწყვეტილებებისთვის მზად არ არიან.

„არც მოლდოვისა და არც, მით უმეტეს, საქართველოს ხელმძღვანელობა, როგორც მე მეჩვენება, არ არის მზად ასეთი გადაწყვეტილებებისთვის, ვინაიდან მათთვის რეალურობა არ არის. მათთვის, ეს ასეა საზღვრის მიღმა, თუნდაც ახლოს, თუმცა ეს არის საშინელება, რომლის წინაშეც პირისპირ აღმოჩენა მათ არ სურთ. ისინი არ არიან ამისთვის მზად არც პოლიტიკურად, არც ინსტიტუციონალურად, ანუ ის გუნდი არაა, პრინციპში, ესენი არ არიან ომის ადამიანები“, – აღნიშნა არესტოვიჩმა.

შეკითხვაზე, შეეძლო თუ არა სააკაშვილს ამის გაკეთება, არესტოვიჩმა უპასუხა – „სააკაშვილს შეეძლო ამის გაკეთება, თუმცა არა ამჟამინდელ ხელმძღვანელობას“.