„აზოვის“ პოლკი - „აზოვსტალზე“ მხოლოდ გუშინ ღამით 35 ავიაიერიში განხორციელდა, რა დროსაც ერთ-ერთ სახელოსნოს ცეცხლი გაუჩნდა - მშვიდობიანი მოქალაქეები დაშავდნენ, ისინი ნანგრევების ქვეშ არიან მოყოლილი
„აზოვსტალის“ ქარხანა, სადაც მარიუპოლის დამცველები არიან განლაგებული, სადაც მშვიდობიანი მოქალაქეები სარდაფებში იმალებიან, კვლავ მტრის ცეცხლშია გახვეული, - ამის შესახებ „აზოვის“ პოლკი იუწყება.
„მხოლოდ გუშინ ღამით განხორციელდა 35 ავიაიერიში, რა დროსაც ერთ-ერთ სახელოსნოს ცეცხლი გაუჩნდა. ყველაზე მნიშვნელოვანი ის არის, რომ დაშავდნენ მშვიდობიანი მოქალაქეები, რომლებიც ახლა ნანგრევების ქვეშ არიან მოყოლილი. მათ „აზოვის“ პოლკის სამხედროები პირველად დახმარებას უწევენ და ყველა ღონეს ხმარობენ მშვიდობიანი მოსახლეობის ნანგრევებიდან გასათავისუფლებლად,”- აღნიშნულია ინფორმაციაში.
