დნესტრისპირეთის ე.წ. უშიშროების საბჭომ თვითგამოცხადებულ სახელმწიფოში ტერორისტული საფრთხის წითელი დონის დაწესების გადაწყვეტილება მიიღო. ამის შესახებ ინფორმაციას „უკრაინფორმი“ ავრცელებს.

არსებული ცნობით, ე.წ. უშიშროების საბჭოს სხდომა დე ფაქტო პრეზიდენტმა ვადიმ კრასნოსელსკიმ ჩაატარა, მთავარი საკითხი იყო - „ტერორისტული თავდასხმები რესპუბლიკის ინფრასტრუქტურულ ობიექტებსა და სახელმწიფო დაწესებულებებზე.

„დაფიქსირდა სამი ფაქტი: დაზიანდა ტირასპოლში სახელმწიფო უშიშროების სამინისტროს შენობა, სოფელ პარკანის მახლობლად სამხედრო ნაწილი და სოფელ მაიაკთან რადიო-ტელევიზიის ცენტრის კოშკები“,- ნათქვამია ინფორმაციაში.

საფრთხის დონე „უშიშროების საბჭოს წევრების მიერ“ კრიტიკულად იქნა შეფასებული.