ჩინეთის საგარეო საქმეთა სამინისტროს განცხადებით, მესამე მსოფლიო ომი არავის სურს.
„არავის სურს, მესამე მსოფლიო ომის დაწყება იხილოს,“- აღნიშნა უწყების პრესსპიკერმა ვან ვენბინმა.
მისი თქმით, ჩინეთს იმედი აქვს, რომ მხარეები შეინარჩუნებენ სიმშვიდეს და თავშეკავებას და თავიდან აიცილებენ ევროპისა და მსოფლიოსათვის უფრო მძიმე ფასის დაწესებას.
„ჩვენ უნდა ვიფიქროთ იმაზე, თუ როგორ გაიზარდა გეოპოლიტიკური კონფლიქტების მორევი ევროპაში, ცივი ომის დასრულებიდან 30 წელზე მეტი ხნის შემდეგ”, - აღნიშნა ვან ვენბინმა.
შეგახსენებთ, რუსეთის საგარეო საქმეთა მინისტრმა სერგეი ლავროვმა გუშინ განაცხადა, რომ ბირთვული ომის რისკი რეალური საფრთხეა.