გაზის მოხმარების შემცირების გამო, უკრაინას შეუძლია თავისი მოთხოვნილებების დაკმაყოფილება მხოლოდ საკუთარი წარმოებით, ხოლო უახლოეს წლებში მისი ექსპორტიორიც კი გახდება, - ამის შესახებ უკრაინის პრემიერ-მინისტრმა დენის შმიგალმა განაცხადა.

მისი თქმით, უკრაინამ გაზის მწარმოებელ კომპანიებთან პროდუქციის გაზიარების 11 ხელშეკრულება გააფორმა, ერთ-ერთი მათგანი უკვე სარეალიზაციო ეტაპზეა და ხდება დამატებით 300 მილიონი კუბური მეტრი გაზის მოპოვება.

„დარწმუნებული ვარ უკრაინა უახლოეს წლებში ბუნებრივი აირის ექსპორტიორი გახდება“,- განაცხადა შმიგალმა.