„საქართველოს რკინიგზის“ გენერალურმა დირექტორმა, დავით ფერაძემ ყაზახ კოლეგას უმასპინძლა.
„საქართველოს რკინიგზის“ ინფორმაციით, შეხვედრაზე მხარეებმა განიხილეს საკითხები, როგორიცაა, შუა დერეფანში დამატებითი ტვირთების მოზიდვა, კონკურენტუნარიანი ტარიფების შემუშავება, დერეფნის განვითარება და არსებული რეალობის გათვალისწინებით ახალ გამოწვევებთან გამკლავება.
„მხარეები შეთანხმდნენ, რომ სატრანზიტო/სატრანსპორტო კავშირების განვითარებისა და არსებული მარშრუტების გასაუმჯობესებლად, ოპტიმალურ გადაწყვეტილებებს მიიღებენ. დღევანდელი მდგომარეობით, უკვე მიმდინარეობს აღნიშნულ დერეფანში გამჭოლ სატარიფო პოლიტიკაზე, ტვირთების დეკლარირებასა და სატრანზიტო ტვირთის კონსოლიდაციის საკითხებზე მუშაობა. შეხვედრაზე საუბარი ბაქო-თბილისი-ყარსის სარკინიგზო დერეფნის გამოყენებასაც შეეხო, რომელიც თავის მხრივ, შუა დერეფნის მულტიმოდალურ ტვირთბრუნვას შეუწყობს ხელს“,- აღნიშნულია ინფორმაციაში.
როგორც გავრცელებულ ინფორმაციაშია ნათქვამი, საქართველო და ყაზახეთი ტრანსკასპიური საერთაშორისო სატრანსპორტო მარშრუტის ფარგლებში (შუა დერეფანი) აქტიურად თანამშრომლობენ.