ვოლოდიმირ ზელენსკი - რუსეთს არ აქვს უფლება აშანტაჟოს მსოფლიო ბირთვული იარაღით

ატომური ენერგიის საერთაშორისო სააგენტო (IAEA) უკრაინას ჩერნობილის ატომურ ელექტროსადგურზე მიყენებული ზიანის გამოსწორებაში დაეხმარება, რომელიც ბირთვულ ობიექტს რუსული ძალების მიერ ოკუპაციის დროს მიადგა.

IAEA-ს გენერალურმა დირექტორმა რაფაელ გროსიმ კიევში გამართულ პრესკონფერენციაზე განაცხადა, რომ ზიანი შესამჩნევია და მიმდინარეობს მისი შეფასება.

უკრაინის პრეზიდენტის თქმით, მსოფლიოს კვლავ მხოლოდ ერთი ნაბიჯი აშორებდა კატასტროფამდე.

„დღეს, ჩერნობილის ატომურ ელექტროსადგურზე მომხდარი კატასტროფის 36 წლისთავზე, რუსული ჯარების გამო, მსოფლიოს კვლავ მხოლოდ ერთი ნაბიჯი აშორებდა კატასტროფამდე. ატომური ელექტროსადგური კიდევ ერთი საბრძოლო მოქმედების ზონა იყო, სადაც რუსები არ ზრუნავდნენ ბირთვულ უსაფრთხოებაზე“, - განაცხადა უკრაინის პრეზიდენტმა ვოლოდიმირ ზელენსკიმ კიევში, 26 აპრილს, IAEA-ს გენერალურ დირექტორთან რაფაელ გროსისთან ერთობლივ პრესკონფერენციაზე.

ზელენსკიმ დაადანაშაულა რუსული ჯარები ბირთვული საშიშროების გაუთვალისწინებლობაში და ქარხნის რამდენიმე უბნის გაძარცვასა და დაზიანებაში, სისტემის კონტროლის ცენტრისა და ლაბორატორიის ჩათვლით.

მან აღნიშნა, რომ მათი დაუდევრობა მიუთითებს რუსეთის მიერ ბირთვული იარაღის გამოყენების საშიშროებაზე.

„საფრთხის დონის გათვალისწინებით, ჩვენ გვჯერა, რომ რუსეთს არ აქვს უფლება გადააქციოს ბირთვული ენერგია იარაღად და აშანტაჟოს მსოფლიო ბირთვული იარაღის გამოყენებით“, - განაცხადა ზელენსკიმ.

პრესკონფერენციაზე ზელენსკიმ მადლობა გადაუხადა თანამშრომლებს, რომლებიც დარჩნენ ქარხანაში რუსული ჯარების ოკუპაციის დროს. მათ გაწეული სამუშაოსთვის მედლები გადაეცათ.

შეგახსენებთ, ჩერნობილის ატომური ელექტროსადგური რუსმა სამხედროებმა უკრაინაში შეჭრის დაწყებისას დაიკავეს, თუმცა, უკრაინულმა ძალებმა მისი დაბრუნება ამ თვეში რუსეთის უკან დახევის შემდეგ შეძლეს.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს