უკრაინის შეიარაღებულმა ძალებმა მიკოლაივის ოლქის სამ დასახლებულ პუნქტზე კონტროლი აღადგინა, - ამის შესახებ უკრაინის შინაგან საქმეთა მინისტრის მრჩეველი, ანტონ გერაშჩენკო იუწყება.

„უკრაინის შეიარაღებული ძალების სრული კონტროლის ქვეშ არის დასახლება შიროკოე და ორი სოფელი - ნოვოპეტროვკა და ლიუბინო,“- აცხადებს ანტონ გერაშჩენკო.

ამასთან, ოპერატიული სარდლობა „სამხრეთის“ ცნობით, ხერსონის ოლქში რუსული ძალები წინსვლას ცდილობდნენ მიკოლაივის ოქლის, სოფლების ნოვაია ზარიასა და ტავრისკოეს მახლობლად, მაგრამ დიდი ზარალი განიცადეს და უკან დაიხიეს.