ყინულის ჰოკეის საერთაშორისო ფედერაციამ (IIHF) განაცხადა, რომ 2023 წლის მსოფლიო ჩემპიონატი რუსეთში აღარ ჩატარდება.
ტურნირის გამართვა სანქტ-პეტერბურგში 2023 წლის მაისში იყო დაგეგმილი. ყინულის ჰოკეის საერთაშორისო ფედერაციის ინფორმაციით, ალტერნატიული მასპინძელი ქვეყანა მომავალ თვეში გამოვლინდება.
”გადაწყვეტილება ღონისძიების გადატანის შესახებ მიღებულ იქნა, პირველ რიგში, ყველა მონაწილე მოთამაშის, ოფიციალური პირის, მედიისა და გულშემატკივართა უსაფრთხოებისა და კეთილდღეობის გამო,” - ნათქვამია ყინულის ჰოკეის საერთაშორისო ფედერაციის განცხადებაში.
შეგახსენებთ, თებერვალში ყინულის ჰოკეის საერთაშორისო ფედერაციამ რუსეთისა და ბელარუსის ეროვნულ და საკლუბო დონის გუნდებს შეჯიბრებებში მონაწილეობა აუკრძალა.