ხერსონში ადგილობრივმა მოსახლეობამ ფსევდორეფერენდუმისა და რუსული ოკუპაციის წინააღმდეგ მშვიდობიანი საპროტესტო აქცია გამართა, ოკუპანტებმა კი მათ დასაშლელად მანათობელი ხელყუმბარები და ცრემლსადენი გაზი გამოიყენეს, - ინფორმაციას უკრაინული მედია ავრცელებს.
მათივე ცნობით, არიან დაჭრილები და დაკავებულები.
სოციალურ ქსელში ვრცელდება ვიდეო, სადაც აქციის ერთ-ერთი მონაწილე აცხადებს, რომ ისინი შეიკრიბნენ იმის საჩვენებლად, რომ ხერსონი უკრაინაა.
ხერსონში დაგეგმილ ე.წ. „რეფერენდუმის“ თარიღთან დაკავშირებით განსხვავებული ინფორმაცია ვრცელდება. უკრაინის სახალხო დამცველმა, ლუდმილა დენისოვამ განაცხადა, რომ ოკუპანტები ე.წ. „რეფერენდუმის“ ჩატარებას პირველიდან 10 მაისის პერიოდში გეგმავენ.