ლიზ ტრასი დასავლელ მოკავშირეებს მოუწოდებს, უკრაინას სამხედრო თვითმფრინავები და სხვა მძიმე შეიარაღება მიაწოდონ

დიდი ბრიტანეთის საგარეო საქმეთა მინისტრი ლიზ ტრასი დასავლელ მოკავშირეებს მოუწოდებს, უკრაინას სამხედრო თვითმფრინავები და სხვა მძიმე შეიარაღება მიაწოდონ, - ამის შესახებ გაერთიანებული სამეფოს საგარეო საქმეთა სამინისტროს მიერ გამოქვეყნებულ პრესრელიზშია ნათქვამი.

დასავლური მედიის ცნობით, 28 აპრილს დაგეგმილ გამოსვლაში, მოსალოდნელია, რომ ტრასი უკრაინის თავდაცვისთვის მხარდაჭერის „გაორმაგების“ აუცილებლობას გაუსვამს ხაზს.

”ჩვენ არ შეგვიძლია ვიყოთ თვითკმაყოფილი - უკრაინის ბედი სასწორზე რჩება. მოდით, მკაფოდ განვაცხადოთ, თუ პუტინი წარმატებას მიაღწევს, უამრავი შემდგომი უბედურება იქნება მთელ ევროპაში და საშინელი შედეგები მთელ მსოფლიოში. ჩვენ აღარასდროს ვიგრძნობთ თავს დაცულად. ასე რომ, ჩვენ უნდა ვიყოთ მზად გრძელვადიანი პერსპექტივისთვის და გავაორმაგოთ ჩვენი მხარდაჭერა უკრაინის მიმართ”, - საგარეო საქმეთა სამინისტროს მიერ გავრცელებული ინფორმაციით, აღნიშნულ განცხადებას ტრასი ხვალ გააკეთებს.

წინასწარი ინფორმაციით, ბრიტანეთის პირველი დიპლომატი განაცხადებს, რომ გლობალური უსაფრთხოების არქიტექტურა, რომელიც მშვიდობისა და კეთილდღეობის გარანტიისთვის იყო შექმნილი, უკრაინაში წარუმატებელი აღმოჩნდა და საჭიროა ახალი მიდგომა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო