თბილისის საკრებულოში ასურული ენის საერთაშორისო დღისადმი მიძღვნილი ღონისძიება გაიმართა

თბილისის საკრებულოს ეთნიკური უმცირესობების საკოორდინაციო საბჭოს ინიციატივით, საკრებულოში ასურული ენის საერთაშორისო დღისადმი მიძღვნილი ღონისძიება გაიმართა. ამის შესახებ თბილისის საკრებულოს მიერ გავრცელებულ ინფორმაციაში ნათქვამი.

მათვე ცნობით, ღონისძიება საკრებულოს წევრმა ნინო რუხაძემ გახსნა, რომელმაც ასურული ენის მნიშვნელობაზე ისაუბრა.

ასურული ენის დღისადმი მიძღვნილ ღონისძიებას საქართველოში ასურული ახალგაზრდული ორგანიზაციის „ნინევია“ თავმჯდომარე ეკატერინე ბიტკაში უძღვებოდა. ორგანიზატორებმა ასურელი ეთნიკური კოსტიუმების გამოფენა და ასურელი მხატვრების ნამუშევრები წარმოადგინეს.

სტუმრებს მისასალმებელი სიტყვით საკრებულოს თავმჯდომარემ გიორგი ტყემალაძემ მიმართა და ასურული თემის წარმომადგენლებს ენის საერთაშორისო დღე მიულოცა.

„დღეს კიდევ ერთხელ გვაქვს შესაძლებლობა ვიზეიმოთ ჩვენი საზოგადოების კულტურული მრავალფეროვნება და აღვნიშნოთ ასურული ენის დღე. უძველესი და მდიდარი ისტორიის მქონე ასურელები ჩვენი საზოგადოების მნიშვნელოვან ნაწილს წარმოადგენენ და სახელმწიფო ხელს უწყობს მათი თვითმყოფადობის შენარჩუნებას. ამის დასტურია ის, რომ განათლების სამინისტროს მიერ სოფელ ძველი ქანდის საჯარო სკოლაში დანერგილია ასურული ენის სწავლება“,- განაცხადა გიორგი ტყემალაძემ.

თბილისის საკრებულოს ცნობით, მოწვეულმა სტუმრებმა საღამოზე ასურული სიმღერა მოისმინეს. ასურელმა ბავშვებმა ანბანის ჩვენება-პერფორმანსი მოაწყვეს, ქართულ და ასურულ ენებზე ლექსები წაიკითხეს და სოფელ ქანდის საჯარო სკოლაში ასურული ენის სწავლების შესახებ ფილმი წარმოადგინეს.

საღამოზე სიტყვით ასევე შერიგებისა და თანასწორობის საკითხებში საქართველოს სახელმწიფო მინისტრის მრჩეველი ლია გიგაური და თბილისის სახელმწიფო უნივერსიტეტის აღმოსავლეთმცოდნეობის სასწავლო-სამეცნიერო ინსტიტუტის ებრაისტიკა-არამეისტიკის კათედრის ხელმძღვანელი მარიამ ჩაჩიბაია გამოვიდნენ.

ღონისძიების დასასრულს კი, თბილისის ასურელი თემის გამოჩენილი წარმომადგენლების დაჯილდოების ცერემონია გაიმართა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში