ივანე ჩხაიძე - ჯანმო აკვირდება მუტაციებს და თვლის, რომ აპრილში ან მაისში პანდემიის დასასრულზე საუბარი ნაადრევია

ჯანმო აკვირდება მუტაციებს და თვლის, რომ ახლა, აპრილში ან მაისში პანდემიის დასასრულზე საუბარი ნაადრევია, - ამის შესახებ თსსუ-ს პროფესორმა, იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ ეპიდვითარებაზე საუბრისას განაცხადა.

როგორც ივანე ჩხაიძე განმარტავს, პასუხგაუცემელია მთავარი კითხვა, თუ როდის და რა პირობებში დასრულდება პანდემია.

“ჩვენ ველოდებით, რომ 2022 წლის მეორე ნახევარში ჯანმრთელობის მსოფლიო ორგანიზაცია პანდემიის დასრულებას გამოაცხადებს. ეს მოლოდინი რეალურია, ამის უკან დგას ეპიდემიოლოგიური ვითარების მკვეთრი გაუმჯობესება. საქართველოშიც ეპიდვითარების სტაბილური გაუმჯობესება გვაქვს. დიდი იმედი გვაქვს, რომ 2022 წლის ზაფხული ბოლო პანდემიური ზაფხული იქნება. პასუხგაუცემელია მთავარი კითხვა: როდის და რა პირობებში დასრულდება პანდემია. ჯანმრთელობის მსოფლიო ორგანიზაცია აცხადებს, რომ ჯერ კიდევ არსებობს მაღალი რისკი, რომ კორონავირუსის ახალი მუტაცია გამოჩნდეს. ჯანმო თვლის, რომ ჯერ ბევრია ის ქვეყანა, სადაც იმუნიზაციის მაჩვენებელი და მუტაციის განვითარების ალბათობა მაღალია. ჯანმო აკვირდება მუტაციებს და თვლის, რომ ახლა, აპრილში, ან მაისში პანდემიის დასასრულზე საუბარი ნაადრევია.

ექსპერტების დიდი ნაწილი არ გამორიცხავს შესაძლებლობას, რომ 2022 წლის ბოლოსთვის პანდემიის ოფიციალური დასასრული მივიღოთ. ჩვენთან, მობილობის გაზრდის ფონზე შემთხვევების მატება მოსალოდნელია. არ უნდა იყოს გასაკვირი თუ ინფიცირების შემთხვევები გაიზარდა. შესაძლებლობა, რომ ამ რიცხვს ჰქონდეს აფეთქების ან ტალღის ხასიათი, მხოლოდ ერთ დაშვებას ეყრდნობა - ხომ არ იქნება ამის უკან კორონავირუსის ახალი მუტაცია“,- აღნიშნავს ივანე ჩხაიძე მედიაცენტრ "მთავარში".

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა