ევროპის ადვოკატთა ასოციაციის (AEA-EAL) ორგანიზებით ვებინარი გაიმართა, რომელიც ონლაინ დავის
გადაწყვეტის მექანიზმების ელექტრონული ხელსაწყოების გამოყენებას და პროცედურებს მიეძღვნა.
საქართველოს მედიატორთა ასოციაციის ინფორმაციით, ღონისძიება გახსნა ევროპის ადვოკატთა ასოციაციის (AEA-EAL) პრეზიდენტმა - მარია სლაზაკმა და ევროპის ადვოკატთა ასოციაციის (AEA-EAL) მედიაციის კომიტეტის თავმჯდომარემ ირაკლი ყანდაშვილმა, რომელიც ამავდროულად არის საქართველოს მედიატორთა ასოციაციის თავმჯდომარე. აღნიშნულ ვებინარს მოდერირება გაუწია ირაკლი ყანდაშვილმა, სადაც მან კიდევ ერთხელ აღნიშნა და ხაზი გაუსვა მედიაციის როლს და მნიშვნელობას საერთაშორისო მასშტაბით. ისაუბრა ონლაინ დავის ალტერნატიული გადაწყვეტის მექანიზმის საქართველოში გამოყენებაზე.
ინფორმაციისთვის, ევროპის ადვოკატთა ასოციაციის (AEA-EAL) ორგანიზებით განხორციელებულ ვებინარში მომხსენებლად მონაწილეობას იღებდნენ ასევე ევროპის ადვოკატთა ასოციაციის წევრები სხვადასხვა იურისდიქციიდან: ბრიტანეთი, პოლონეთი, უკრაინა, ესპანეთი, იტალია.
„საქართველოს მედიატორთა ასოციაცია“ მზად არის გააგრძელოს აქტიური თანამშრომლობა და ჩართულობა საერთაშორისო პარტნიორებთან მსოფლიო მასშტაბით“, - ნათქვამია საქართველოს მედიატორთა ასოციაციის მიერ გავრცელებულ ინფორმაციაში.