მინდა გითხრათ ბატონო პრეზიდენტო და უკრაინელო ხალხო: ჩვენ არ ვნებდებით, - ამის შესახებ გაეროს გენერალურმა მდივანმა ანტონიო გუტერეშმა უკრაინის პრეზიდენტ ვოლოდიმირ ზელენსკისთან შეხვედრის შემდეგ ჟურნალისტებთან განაცხადა.

გუტერეშის თქმით, მარიუპოლის მოსახლეობას სამაშველო გზა სჭირდებათ, რათა ,,ჯოჯოხეთი დატოვონ".

„მინდა გითხრათ ბატონო პრეზიდენტო და უკრაინელო ხალხო: ჩვენ არ ვნებდებით. ჩვენ გავაგრძელებთ ცეცხლის სრული შეწყვეტის მოწოდებას, ასევე გავაგრძელებთ პრაქტიკულ ზომებს სიცოცხლის გადასარჩენად და ადამიანთა ტანჯვის შესამცირებლად. ეფექტური ჰუმანიტარული დერეფნები, საომარი მოქმედებების ლოკალური შეწყვეტა, მშვიდობიანი მოსახლეობისა და დაზარალებულებისთვის უსაფრთხო მარშრუტები. დღეს მარიუპოლის მოსახლეობას სწორედ ასეთი ნაბიჯი სჭირდება. მათ სამაშველო გზა სჭირდებათ ამ ჯოჯოხეთის დასატოვებლად", - განაცხადა გუტერეშმა.