ბაიდენმა დღეს სამართლიანად თქვა, რომ ეს ნაბიჯი არ არის იაფი, მაგრამ რუსეთის აგრესიის უარყოფითი შედეგები უკრაინისა და დემოკრატიის წინააღმდეგ იმდენად მასშტაბურია მთელი მსოფლიოსთვის, რომ შეერთებული შტატების ეს მხარდაჭერა აუცილებელია, - აშშ-ის მიერ უკრაინის დახმარების ახალი პაკეტის გამოცხადების საპასუხოდ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.
ზელენსკის თქმით, პარტნიორებთან ერთად, რუსული აგრესიის შეჩერება შესაძლებელია.
,,დღეს ჩვენ, ჩვენი სახელმწიფოსთვის, ჩვენი თავდაცვისთვის მნიშვნელოვანი სიახლე გვაქვს. შეერთებულმა შტატებმა უკრაინის მხარდაჭერის ახალი პაკეტი, 33 მილიარდი დოლარის ოდენობით მოამზადა. შეერთებული შტატების მხრიდან, ეს არის ძალიან მნიშვნელოვანი ნაბიჯი და მე ამისთვის, ამერიკელი ხალხისა და პირადად პრეზიდენტ ბაიდენის მადლობელი ვარ. პრეზიდენტმა ბაიდენმა დღეს სამართლიანად თქვა, რომ ეს ნაბიჯი არ არის იაფი, მაგრამ რუსეთის აგრესიის უარყოფითი შედეგები უკრაინისა და დემოკრატიის წინააღმდეგ იმდენად მასშტაბურია მთელი მსოფლიოსთვის, რომ მათთან შედარებით, შეერთებული შტატების ეს მხარდაჭერა აუცილებელია. ჩვენ ერთად, რა თქმა უნდა შეგვიძლია, რუსული აგრესია შევაჩეროთ და ევროპაში თავისუფლება საიმედოდ დავიცვათ", - განაცხადა ზელენსკიმ.