ნორვეგია ევროკავშირის მიერ დაწესებულ სანქციებს უერთდება და რუსული სატვირთო მანქანებისა და გემებისთვის თავის საზღვრებსა და პორტებს ხურავს, - ამის შესახებ ინფორმაციას ნორვეგიის საგარეო საქმეთა სამინისტრო ავრცელებს.

Reuters-ის ცნობით, გამონაკლისის სახით სანქციებისგან გათავისუფლდებიან რუსული თევზსაჭერი გემები, რომლებიც ხშირად იჭერენ თევზს ჩრდილოეთ ნორვეგიის პორტებში.

გამონაკლისი შეეხება ნორვეგიის არქტიკულ შპიცბერგენის არქიპელაგსაც.