უკრაინაში რუსეთის სრულმასშტაბიანი შეჭრის დაწყებიდან, პოლონეთმა კიევს 7 მილიარდი ზლოტის (1.6 მილიარდ აშშ დოლარზე მეტი) ღირებულების იარაღი და საბრძოლო მასალა გადასცა, - ინფორმაციას უკრაინული მედია ავრცელებს.
მათივე ცნობით, საუბარია 200-ზე მეტ T-72 ტიპის ტანკზე, რომლებითაც ორი სატანკო ბრიგადის აღჭურვაა შესაძლებელი, ასევე თვითმავალი ჰაუბიცა 2С1 „გვოზდიკა“და ზალპური ცეცხლის რეაქტიული სისტემა „გრადი.“
პოლონეთმა ასევე უკრაინის არმიას გადასცა ჰაერი-ჰაერი კლასის რაკეტები MiG-29 და Su-27 თვითმფრინავებისთვის, სადაზვერვო დრონები და Warmate-ის უპილოტო საფრენი აპარატები, რომლებიც წარმოებულია პოლონური კომპანიის WB Electronics-ის მიერ.