გიორგი ხანიშვილი საქართველო-ყაზახეთის ეკონომიკური თანამშრომლობის მთავრობათაშორისი კომისიის მე-11 სხდომას დაესწრო

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი საქართველო-ყაზახეთის ეკონომიკური თანამშრომლობის მთავრობათაშორისი კომისიის მე-11 სხდომას დაესწრო.უწყების პრესსამსახურის ცნობით, სხდომის ფარგლებში, კომისიის წევრებმა ორ ქვეყანას შორის სოფლის მეურნეობის, ტურიზმის, ტრანსპორტისა და კავშირგაბმულობის, საინფორმაციო ტექნოლოგიების და ინოვაციების მიმართულებით არსებული მდგომარეობა და თანამშრომლობის განვითარების საკითხები განიხილეს.

„საქართველოსა და ყაზახეთს შორის სავაჭრო ურთიერთობები მზარდი ტენდენციით ხასიათდება. მნიშვნელოვანია, მოიძებნოს გზები, რომ საქართველოს ბაზარზე ყაზახური ხორბალი კონკურენტული გახდეს და მისი იმპორტი გაიზარდოს. ამასთან, ჩვენ გვაქვს თანამშრომლობის პერსპექტივები ციტრუსის, ჩაის, თამბაქოს და სხვა პროდუქტების ყაზახეთში ექსპორტის მიმართულებით. მნიშვნელოვანია, რომ აღნიშნულმა კომისიამ ხელი შეუწყოს საქართველოსა და ყაზახეთს შორის სავაჭრო ურთიერთობების გაძლიერებას, ინვესტიციების გაზრდასა და ტურიზმის განვითარებას, რაც ორივე ქვეყნისთვის სარგებლის მომტანი იქნება“, - აღნიშნა გიორგი ხანიშვილმა.

გარემოს დაცვისა და სოფლის მეურნეობის სამინისტროს ცნობით, ბოლო ათწლეულების განმავლობაში, ყაზახეთი საქართველოს ერთ-ერთი უმნიშვნელოვანესი სავაჭრო-ეკონომიკური პარტნიორია. 2022 წლის იანვარ-მარტში, ქვეყნებს შორის სავაჭრო ბრუნვამ 29,46 მლნ აშშ დოლარი შეადგინა (ზრდა 123%).

„ამასთან, 2021 წელს საქართველოში ყაზახეთიდან 11,02 მლნ აშშ დოლარის ინვესტიციები განხორციელდა. 2022 წლის პირველი კვარტლის მონაცემებით, საქართველოში, ყაზახური კაპიტალის მონაწილეობით, 123 მოქმედი კომპანიაა დარეგისტრირებული.

საქართველო-ყაზახეთის ეკონომიკური თანამშრომლობის მთავრობათაშორისი კომისიის მე-11 სხდომა საქართველოს ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა და ყაზახეთის დელეგაციის ხელმძღვანელმა, ინდუსტრიისა და ინფრასტრუქტურის მინისტრმა, კაირბეკ უსკენბაევმა გახსნეს.

საქართველო-ყაზახეთის ეკონომიკური თანამშრომლობის მთავრობათაშორისი კომისია ერთ-ერთი მნიშვნელოვანი ფორმატი და მექანიზმია ორ ქვეყანას შორის სავაჭრო-ეკონომიკური და სატრანსპორტო მიმართულებით ურთიერთობების განვითარებისთვის. კომისიის ფარგლებში, არაერთ მნიშვნელოვან საკითხზე ხდება მსჯელობა და გადაწყვეტილებების მიღება“,-აღნიშნულია ინფორმაციაში.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო