უკრაინამ მსოფლიო ბანკისგან 88,5 მილიონი ევროს (93,54 მილიონი აშშ დოლარი, 74,46 მილიონი ფუნტი) ოდენობის გრანტი მიიღო. ამის შესახებ ინფორმაციას Reuters-ი, უკრაინის ფინანსთა სამინისტროზე დაყრდნობით ავრცელებს.
ფინანსთა სამინისტროს განცხადებაში ნათქვამია, რომ აღნიშნული გრანტი სოციალური, ჰუმანიტარული და ჯანდაცვის საჭიროებებისთვის, ასევე ქვეყანაში იძულებით გადაადგილებული ადამიანების დასახმარებლად იქნება გამოყენებული.
ამასთან, მათივე ინფორმაციით, მსოფლიო ბანკის ნდობის ფონდისგან მოსალოდნელია, დამატებით 495 მილიონი ევროს ოდენობის გრანტის მიღება.