მარიუპოლის მერი - მე მინდა მადლობა გადავუხადო საქართველოს მთელს მოსახლეობას,  მთავრობას,  ყველა მოქალაქეს, რომ დღეს უკრაინას ასე უჭერენ  მხარს

მე მინდა მადლობა გადავუხადო საქართველოს მთელს მოსახლეობას, მთავრობას, ყველა მოქალაქეს, რომ დღეს უკრაინას ასე უჭერენ მხარს, - ამის შესახებ მარიუპოლის მერმა, ვადიმ ბოიჩენკომ „პალიტრანიუსის“ გადაცემა „360 გრადუსში“ განაცხადა.

ვადიმ ბოიჩენკოს თქმით, მიმდინარეობს მოლაპარაკებები, რომ შეიქმნას დერეფანი და უამრავმა ადამიანმა მიიღოს შანსი, შეუნარჩუნდეს სიცოცხლე.

„ჩვენთვის ძალზე მნიშვნელოვანია, თქვენგან, თქვენი ხალხისგან ვიღებთ დიდ მხარდაჭერას, დიდ დახმარებას, როდესაც ჩვენ პირდაპირ რკალში ვართ რუსული აგრესიისა. მიმდინარეობს, არ წყდება მოლაპარაკება, ჩვენ შეიძლება ითქვას ვსულდგმულობთ იმედით ისევე, როგორც მთელი ცივილიზებული სამყარო და ველით სასიხარულო ცნობას, როდის მოვა ის წუთი, როდესაც გავიგებთ, რომ ასობით ადამიანი, უამრავი დაჭრილი მიიღებს შანსს, რომ შეიქმნას დერეფანი და შეუნარჩუნდეთ სიცოცხლე“, - განაცხადა ვადიმ ბოიჩენკომ.

მისივე თქმით, პირველი დღიდანვე მარიუპოლში რუსეთის საოკუპაციო ძალებმა დაანგრიეს ყველა მნიშვნელოვანი ინფრასტრუქტურული ობიექტი, ის ადგილები, ობიექტები, რომლითაც მოსახლეობა შეიძლება გამოსულიყო ოკუპირებული ქალაქებიდან.

„მოსახლეობის თხოვნას, რომ გაეტარებინათ, ისინი პასუხობდნენ ცეცხლით. ქალაქი ბლოკადაშია. მხოლოდ და მხოლოდ 13 მარტს ჩვენ მოვახერხეთ პირველი დერეფანი გაგვეკეთებინა და ამის წყალობით მოვახერხეთ, რომ 100 ათასზე მეტი მშვიდობიანი მოქალაქე გამოგვეყვანა, მაგრამ სამწუხაროდ დღეს მარიუპოლში 100 ათასზე მეტი მოქალაქეა, რომელიც ელოდება ამ საშუალებას, რომ მოხდეს მათი ევაკუირება, მაგრამ ისინი დაბლოკილი არიან 4 ე.წ. საფილტრაციო ცენტრით. ეს პროცედურა გრძელდება და შეიძლება გაიჭიმოს რამდენიმე თვის მანძილზე. დეპორტაციას ახდენენ სწრაფად დონბასის რესპუბლიკისაკენ, მაგრამ ძალზე ნელა ხდება ევაკუირება უკრაინის კონტროლირებად ტერიტორიაზე“, - განაცხადა ვადიმ ბოიჩენკომ.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო