მეგობრობა, ერთიანობა, ეს ყველაფერი პოლონეთისგან ვიგრძენით, - ამის შესახებ უკრაინის პრეზიდენტმა ვოლოდიმირ ზელენსკიმ პოლონურ მედიასთან ინტერვიუში განაცხადა.

პოლონურ მედიასთან საუბრისას ზელენსკიმ ხაზი გაუსვა იმ ფაქტს, რომ რუსეთის მიერ უკრაინაში დაწყებულმა ომმა განაპირობა ორი ქვეყნის - უკრაინისა და პოლონეთის კიდევ უფრო გაერთიანება.

„მინდა პოლონეთის ხალხს მადლობა გადავუხადო, რადგან ეს, უკრაინის მიმართ არის უპრეცედენტო მხარდაჭერა, უპრეცედენტო მხარდაჭერა პოლონელი ხალხისგან, უკრაინელი ხალხის მიმართ. პოლონეთს განსაკუთრებული ურთიერთობა აქვს უკრაინასთან და მეჩვენება, რომ ისტორიული საკითხებიც კი, რაც ამ ორ ქვეყანას აქვს, უმნიშვნელოა იმასთან შედარებით, თუ რამდენად გაერთიანდნენ ჩვენი ქვეყნები, რუსეთის მიერ, ამ თავხედური ომის დაწყების შემდეგ“, - განაცხადა ზელენსკიმ.