უკრაინის გენშტაბის ინფორმაციით, რუსეთი დონბასში შეტევას აგრძელებს

მტერი აგრძელებს შეტევითი ოპერაციების განხორციელებას აღმოსავლეთის ოპერაციულ ზონაში, რათა დაამარცხოს გაერთიანებული ძალები, დაამყაროს სრული კონტროლი დონეცკისა და ლუგანსკის ოლქების ტერიტორიაზე და შეინარჩუნოს სახმელეთო გზა ოკუპირებულ ყირიმთან, - ამის შესახებ უკრაინის შეიარაღებული ძალების გენერალური შტაბის ყოველდღიურ ანგარიშშია აღნიშნული.

„მტერი ახორციელებს საჰაერო და სარაკეტო დარტყმებს, არტილერიის გამოყენებით ბომბავს სამოქალაქო და სამხედრო ინფრასტრუქტურას, ჩვენი ჯარების პოზიციებს კონტაქტის ხაზის გასწვრივ და სასაზღვრო რაიონებში. მიმდინარეობს გადაჯგუფება და გრძელდება საოკუპაციო ძალების გაძლიერება,“- აღნიშნულია ინფორმაციაში.

მათივე ცნობით, სივერსკის მიმართულებით, რუსულმა ქვედანაყოფებმა ცეცხლი გაუხსნეს უკრაინული ძალების პოზიციებს კინდრატივკას, კატერინივკას, სვარკოვეს და ბილოკოპიტოვის დასახლებებში.

„სლობოჟანსკის მიმართულებით, მტრის ძალისხმევა მიმართულია დაკავებული პოზიციების შენარჩუნებაზე. ჯგუფის გაძლიერების მიზნით, მტერს ცალკეული შენაერთები ბელგოროდის რეგიონის ტერიტორიიდან ქალაქ იზიუმის ტერიტორიაზე გადაჰყავს. რუსული შენაერთები ცდილობდნენ შეტევის დაწყებას სულიჰივკასა და დოვჰენკეს დასახლებების მიმართულებით, მაგრამ უშედეგოდ. ხარკოვისა და იზიუმის მიმართულებით თავისი ჯარების ჯგუფების დასაფარად, მტერი ცდილობს განათავსოს ძალები და საჰაერო თავდაცვის საშუალებები. აღმოსავლეთის ოპერატიული ზონაში მტერი აგრძელებს შეტევას ლიმანზე (იამპოლის, ოზერნოეს, ლიმანის რაიონებში), ასევე სევეროდონეცკში, სადაც ცდილობს დაასრულოს რუბეჟნოეს, პოპასნაიის დაკავება და კურახივის (ოლენივკა და ნოვომიხაილივკა) მიმართულებებით. წარმატებები მიღწეული არ არის, ბრძოლა გრძელდება“,- აღნიშნულია ინფორმაციაში.

გენშტაბის ცნობით, უკრაინის ჯარების ნაწილების საარტილერიო დაბომბვა არ წყდება ზაპორიჟიეს მიმართულებით. რაც შეეხება იმ დანაკარგებს, რაც რუსულმა ძალებმა გასული დღის განმავლობაში განიცადეს, გენერალური შტაბის ცნობით, უკრაინელმა სამხედროებმა დონეცკისა და ლუგანსკის ოლქებში მტრის თოთხმეტი შეტევა მოიგერიეს და 11 ტანკი, 7 საარტილერიო სისტემა, 28 ჯავშანმანქანა და 14 ავტომობილი გაანადგურეს. ამასთან, გასული დღის განმავლობაში, უკრაინელმა სამხედროებმა რუსეთის 10 საჰაერო სამიზნე - ერთი თვითმფრინავი და ოპერატიული და ტაქტიკური დონის 9 დრონი- გაანადგურეს.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა