დღეს რუსეთის ტყვეობიდან 14 უკრაინელი გათავისუფლდა. ამის შესახებ ინფორმაციას ვიცე-პრემიერი ირინა ვერესჩუკი ავრცელებს. ვერესჩუკის ინფორმაციით, გათავისუფლებულია 7 სამხედრო და 7 სამოქალაქო პირი.

„დღეს გავცვალეთ ტყვეები. სახლში 14 ჩვენს მოქალაქეს ვაბრუნებთ. ჩემთვის ეს გაცვლა განსაკუთრებულია: ერთ-ერთი სამხედრო მოსამსახურე 5 თვის ფეხმძიმეა“,- განაცხადა ვერესჩუკმა.

ვიცე-პრემიერის მიერ გავრცელებულ ინფორმაციაში არ კონკრეტდება გაცვლის დროს უკრაინულმა მხარემ რუსეთის რამდენი მოქალაქე გაათავისუფლა.