ვოლოდიმირ ზელენსკი - რუსეთის ჯარის სარდლობა ემზადება დიდი დანაკარგებისთვის და ამზადებს დამატებით მაცივრებს ცხედრების შესანახად

რუსეთის ჯარის სარდლობა ემზადება ახალი დიდი დანაკარგებისთვის და ამზადებს დამატებით მაცივრებს ცხედრების შესანახად, - ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.

პრეზიდენტის თქმით, იმ ქვედანაყოფებში, რომლის პირადი შემადგენლობა იყო თითქმის სრულად განადგურებული ან არსებითად დასუსტებული მარტსა და აპრილში, ახდენენ ახალი მებრძოლების რეკრუტირებას, რომლებსაც აქვთ სუსტი მოტივაცია და სუსტი საბრძოლო გამოცდილება.

ზელენსკი დარწმუნებულია, რომ რუსეთის ფედერაციაში უბრალოდ სურთ საჭირო რაოდენობის მებრძოლების მოგროვება, რათა ამ ქვედანაყოფების საბრძოლველად გაგზავნა შესაძლებელი გახდეს.

„რუსეთის სარდლობას მშვენივრად ესმის, რომ ათასობით რუსი მებრძოლი იქნება მოკლული ან დაჭრილი უახლოეს კვირებში. რუსი მეთაურები ატყუებენ თავის ჯარისკაცებს, როდესაც ეუბნებიან, რომ მათ ელოდებათ რაიმე სერიოზული პასუხისმგებლობა ბრძოლაზე უარის თქმისთვის და ამასთან არ უყვებიან, მაგალითად, რუსი ჯარის მიერ ახალი მაცივრების მომზადებაზე ცხედრების შესანახად. არ ყვებიან, რა ახალ „გეგმურ“ დანაკარგებს ელოდებიან გენერლები. ყველა რუს ჯარისკაცს შეუძლია სიცოცხლის გადარჩენა. ჯობია რუსეთში გადარჩეთ, ვიდრე ჩვენს მიწაზე დაიღუპოთ“, - მიმართა ზელენსკიმ რუს სამხედროებს.

თენგიზ ცერცვაძე - როცა გადადგომაზე განცხადება დავწერე, არ მჯეროდა, მეგონა სიზმარში ვიყავი, რომ მილიარდის გაფლანგვას და ადამიანების ჩახოცვას გვაბრალებდნენ
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო