სომხეთის შეიარაღებული ძალების ქვედანაყოფმა ბასარქეჩიარსკის საზღვრისპირა რაიონის დასახლებული პუნტიდან - იუხარი შორჯადან მსხვილკალიბრიანი ცეცხლსასროლი იარაღიდან ცეცხლი გაუხსნა აზერბაიჯანული არმიის პოზიციებს, რომელიც დისლოცირებულია ქელბაჯარის რაიონის დასახლებულ პუნქტ ზაიალიკში. ამის შესახებ აზერბაიჯანის თავდაცვის სამინისტრო იუწყება.
მათივე ცნობით, აზერბაიჯანის არმიამ საპასუხო ადეკვატური ზომები მიიღო. აზერბაიჯანის შეიარაღებული ძალების პირად შემადგენლობას შორის დანაკარგი არ არის.
„ამ დროისთვის აღნიშნული მიმართულებით ვითარება სტაბილურია, ოპერატიული მდგომარეობა ჩვენი ქვედანაყოფის სრულ კონტროლს ექვემდებარება“, - ნათქვამია აზერბაიჯანის თავდაცვის სამინისტროს განცხადებაში.
სომხეთის თავდაცვის სამინისტრო აზერბაიჯანული უწყების ინფორმაციას უარყოფს და აცხადებს, რომ სომხეთის შეიარაღებულ ძალებს მითითებული მიმართულებით ცეცხლი არ გაუხსნია.
სამინისტროს ინფორმაციით, ვითარება სომხეთ-აზერბაიჯანის საზღვარზე შედარებით სტაბილურია და სომხეთის შეიარაღებული ძალების სრული კონტროლის ქვეშ არის.