ერევანში, ტიგრან მეცის გამზირზე, სადაც საპროტესტო აქცია მიმდინარეობს, სიტუაცია დაძაბულია, - ინფორმაციას ადგილობრივი მედია ავრცელებს.

მათივე ცნობით, პოლიციამ აქციის მონაწილეების უკან დახევა დაიწყო. ხალხი სკანდირებს „ნიკოლი მოღალატეა!"

გავრცელებული ინფორმაციით, სამართალდამცავებმა საპროტესტო აქციის რამდენიმე მონაწილე დააკავეს.

მშვიდობიანი საპროტესტო აქციები ერევანში დღეს დილით დაიწყო. აქციის მონაწილეები პრემიერ-მინისტრ ნიკოლ ფაშინიანისა და მისი გუნდის გადადგომას მოითხოვენ. ამ დროისთვის დედაქალაქში 14 ქუჩაა გადაკეტილი.