გიორგი ხანიშვილი საფრანგეთის საელჩოს ეკონომიკური მისიის რეგიონულ მრჩეველს სოფლის მეურნეობის საკითხებში ფრანსუა ვიელს შეხვდა

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი საფრანგეთის რესპუბლიკის საელჩოს ეკონომიკური მისიის რეგიონულ მრჩეველს სოფლის მეურნეობის საკითხებში ფრანსუა ვიელს შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრაზე სურსათის უვნებლობის, ქართული ღვინის უცხოურ ბაზრებზე ცნობადობის გაზრდის, მელიორაციის და მიწის მართვის მიმართულებით სამომავლო თანამშრომლობის საკითხები განიხილეს. საუბარი შეეხო საქართველოში მეცხოველეობის და სასოფლო-სამეურნეო კოოპერატივების განვითარების საკითხებსაც.

„გიორგი ხანიშვილმა სახელმწიფოს მიერ აგრარული დარგის განვითარების ხელშემწყობის მიზნით განხორციელებული და მიმდინარე პროექტების მნიშვნელობაზე ისაუბრა და ბოლო წლებში აგროსასურსათო პროდუქციის ექსპორტის მაჩვენებლის მზარდ დინამიკაზე გაამახვილა ყურადღება. მინისტრის პირველმა მოადგილემ ფრანსუა ვიელს ქვეყანაში ხორბლის წარმოების მიმართულებით არსებული გამოწვევები გააცნო და აღნიშნა, რომ სახელმწიფო გეგმავს ისეთი მასტიმულირებელი პროექტები განახორციელოს, რომელიც ხორბლის წარმოებისა და მოსავლიანობის ზრდას შეუწყობს ხელს.

როგორც ფრანსუა ვიელმა შეხვედრაზე აღნიშნა, საქართველო სოფლის მეურნეობის განვითარების დიდი შესაძლებლობა აქვს. რეგიონული მრჩევლის განცხადებით, ფრანგული მხარე მზად არის, ქართული ღვინის საერთაშორისო ბაზრებზე პოპულარიზაციისა და კონკურენტუნარიანობის გაზრდის მიზნით, გამოცდილებისა და ცოდნის გაზიარების კუთხით თანამშრომლობისთვის.

ფრანგულმა მხარემ, შეხვედრაზე ასევე გამოთქვა მზადყოფნა, ხორბლის თესლის მწარმოებელ ფრანგულ კომპანიებთან აქტიური კონსულტაციებითა და პროფესიული ტრენინგების საშუალებით, ქართველ ფერმერებს ხორბლის ხარისხის გაუმჯობესებასა და უხვი მოსავლის მიღებაში შეუწყოს ხელი“,- აღნიშნავენ უწყებაში.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა