მარიამ ქვრივიშვილი - წარმატებით დასრულებული მოლაპარაკებების შედეგად, საქართველოს ავიაბაზარზე მსხვილმა გერმანულმა ავიაკომპანია Condor Airlines-მა ფრენები დაიწყო

გერმანულმა ავიაკომპანიამ „Condor Airlines“-მა 2 მაისს მაინის ფრანკფურტიდან თბილისში პირველი რეისი შეასრულა. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

მათივე ინფორმაციით, რეგულარულ ფრენებს ავიაკომპანია კვირაში ორი სიხშირით განახორციელებს.

„მოხარული ვართ, რომ საქართველოს ავიაბაზარზე შემოვიყვანეთ კიდევ ერთი ახალი, მსხვილი ევროპული ავიაგადამზიდავი, რომელიც საქართველოში ჩამოიყვანს ტურისტებს გერმანიიდან და ევროპის სხვა სახელმწიფოებიდან. გერმანია ჩვენთვის განსაკუთრებით მნიშვნელოვანი ტურისტული ბაზარია, სწორედ ამიტომ, ყველაფერი გავაკეთეთ იმისთვის რომ გვქონოდა პირდაპირი მიმოსვლა ფრანკფურტის მიმართულებით თბილისიდან. სასიხარულოა, რომ საქართველოს ტურიზმის აღდგენის დინამიკა საკმაოდ პოზიტიურად მიმდინარეობს, რაც სწორი სტრატეგიის შედეგია. სტატისტიკის თანახმად, საქართველოს ტურისტული ბაზარი უფრო და უფრო მიმზიდველი ხდება ევროპელი ვიზიტორებისთვის - 2022 წლის იანვარი-მარტის მდგომარეობით ქვეყანაში ევროკავშირის ქვეყნებიდან 616 პროცენტით მეტი ვიზიტი განხორციელდა 2021 წელთან შედარებით. ამასთან, აღდგენის მაჩვენებელი 2019 წელთან შეადრებით უკვე 67%-ია, რაც ზრდის მნიშვნელოვან ტენდენციაზე მიანიშნებს

ვფიქრობ, აღნიშნული დინამიკა გაიზრდება ევროპის სხვა ქალაქებში რეგულარული ფრენების რაოდენობის ზრდის პარალელურად. ეს ჩვენი მთავარი პრიორიტეტია. ჩვენ მოლაპარაკებებს ვაწარმოებთ სხვა საერთაშორისო ავიაგადამყვანებთან, რათა მათ შეასრულონ რეისები თბილისსა და საქართველოს სხვა საერთაშორისო აეროპორტებში,“ - განაცხადა ეკონომიკისა და მდგრადი განვითარების მინისტრის მოადგილე მარიამ ქვრივიშვილმა.

აღსანიშნავია, რომ პირველ საინაუგურაციო რეისთან დაკავშირებით თბილისის საერთაშორისო აეროპორტში მიღება გაიმართა, რომელსაც საქართველოს აეროპორტების გაერთიანების, ტავ ჯორჯიასა და ავიაკომპანიის წარმომადგენლები დაესწრნენ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს