გეგმური სარეაბილიტაციო სამუშაოების გამო, 3 მაისს, „ენერგო-პრო ჯორჯიას“ ქსელში არსებული აბონენტების ნაწილს ელექტროენერგიის მიწოდება შეეზღუდება.
კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო, 3 მაისს, 12:00 სთ-დან 17:00 საათამდე ენერგომომარაგება დროებით შეეზღუდება აბონენტებს მცხეთის მუნიციპალიტეტის სოფლებში: წეროვანი, ნატახტარი, ჩარდახი, გოროვანი, ზემო წეროვანი, სხალტბა, მისაქციელი, მუხრანი, კვლევითი ინსტიტუტის დასახლებაში.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.