ერევანში სამართალდამცავებმა აქციის 70 მონაწილე დააკავეს
პოლიციამ ერევანში დღეს 70 მომიტინგე დააკავა, - ინფორმაციას ადგილობრივი მედია ოფიციალურ წყაროებზე დაყრდნობით ავრცელებს.
მათივე ცნობით, ერევნის პოლიციაში აცხადებენ, რომ აქციის მონაწილეები კანონიერი მოთხოვნისადმი დაუმორჩილებლობისთვის არიან დაკავებულები.
შეგახსენებთ, ერევანში სამოქალაქო დაუმორჩილებლობის აქციები გუშინ დილით დაიწყო. მომიტინგეები პრემიერ-მინისტრ ნიკოლ ფაშინიანისა და მისი გუნდის გადადგომას მოითხოვენ.
