სამედიცინო საზოგადოების წარმომადგენლები აშშ-ს პრეზიდენტს მიხეილ სააკაშვილის სამკურნალოდ გადაყვანის მიზნით ოფიციალური წერილით მიმართავენ

„საქართველოს კლინიკების ასოციაციების“ და სამედიცინო საზოგადოების წარმომადგენლებმა აშშ-ს პრეზიდენტ ჯო ბაიდენს საქართველოს მესამე პრეზიდენტის, მიხეილ სააკაშვილის სამკურნალოდ გადაყვანის მიზნით ოფიციალური წერილით მიმართეს.

სამედიცინო საზოგადოების წარმომადგენლები ამერიკის საელჩოსთან შეიკრიბნენ და ელჩ კელი დეგნანთან შეხვედრა მოითხოვეს.

როგორც მათ ოფიციალურ განცხადებაშია ნათქვამი, ჩნდება რეალური საშიშროება, რომ შეუქცევადი პროცესები განვითარდეს, რომლის მართვაც საქართველოში შეუძლებელია.

„საქართველოს ექსპრეზიდენტი მიხეილ სააკაშვილი დაუყოვნებლივ საჭიროებს მაღალკვალიფიციურ ნეიროფსიქოლოგიური მიმართულების კლინიკაში მკურნალობას და რეაბილიტაციას. წინააღმდეგ შემთხვევაში, მის ჯანმრთელობას და სიცოცხლეს საფრთხე ემუქრება. სახალხო დამცველის მიერ შექმნილი კონსილიუმის დასკვნით, ექსპრეზიდენტის დიაგნოზს დაემატა მძიმე გართულებები, მათ შორის ანორექსია. ჩნდება რეალური საშიშროება, რომ განვითარდეს შეუქცევადი პროცესები, რომლის მართვაც საქართველოში შეუძლებელია.

აღნიშნულთან დაკავშირებით სამედიცინო საზოგადოების წარმომადგენლები დახმარების მიზნით მოგმართავთ აშშ-ს პრეზიდენტს, გთხოვთ დაგვეხმაროთ, რათა მესამე პრეზიდენტი გადაყვანილი იყოს ამერიკის ან ევროპის სამკურნალო-სარეაბილიტაციო ცენტრში”, - ნათქვამია განცხადებაში.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო