გიორგი ბახტურიძე - საქართველოში ბოლო 4 წელში თამბაქოს მოხმარება 4%-ით შემცირდა

2018 წლის 1-ელი მაისიდან თამბაქოს კონტროლთან დაკავშირებით ძალაში შევიდა ახალი რეგულაციები - მონაცემები უკვე ნელ-ნელა იცვლება და პოზიტივისკენ გადავდივართ - რამდენიმე ასეული სიცოცხლე უკვე გადარჩა, - ამის შესახებ „თამბაქოს კონტროლის ალიანსის“ ხელმძღვანელმა, გიორგი ბახტურიძემ „კვირის“ პრესკლუბში გამართულ პრესკონფერენციაზე განაცხადა.

მისივე თქმით, თამბაქოს მოხმარებას საკმაოდ მძიმე ტვირთი ახლავს.

„საქართველოში ყოველი მე-5 ადამიანი არის თამბაქოს მოხმარების მსხვერპლი - როგორც პასიური, ისე აქტიური მოხმარების. 11 000-მდე არის იმ ადამიანთა რიცხვი, რომელიც თამბაქოსთან დაკავშირებული დაავადებების გამო ყოველწლიურად იღუპება - აქედან 3 000-მდე არის პასიური მწეველი. ეს მონაცემები უკვე ნელ-ნელა იცვლება და პოზიტივისკენ გადავდივართ - რამდენიმე ასეული სიცოცხლე ამ ხნის განმავლობაში უკვე გადარჩა. კვლევების მონაცემების საფუძველზე, შეგვიძლია დავასკვნათ, რომ 4 წლის განმავლობაში მთლიან პოპულაციაში 4%-ით შემცირდა თამბაქოს მოხმარება. თავად მწეველებში შემცირდა 10%-ით, რაც საკმაოდ დიდი ციფრია - დაახლოებით 100 000 კაცმა მოწევას თავი დაანება. ამასთან, მოწეული თამბაქოს რაოდენობა 15%-ით შემცირდა. 2040 წლისთვის ჩვენი ამოცანაა, რომ მთლიანი მოხმარება, რომელიც დღეს არის 27% მთელ მოსახლეობაში, შემცირდეს და 5%-ზე ნაკლები გახდეს“, - განაცხადა ბახტურიძემ.

კვლევაზე საუბრისას მან ასევე აღნიშნა, რომ მის ორგანიზაციას საქართველოს მასშტაბით დაახლოებით 40-მდე მონიტორი ჰყავს, რომლებიც სხვადასხვა ორგანიზაციებს სისტემურად ამოწმებენ. ბახტურიძის თქმით, ყოველწლიურად საქართველოს მასშტაბით დაახლოებით 8 000 ობიექტი მოწმდება.

„თამბაქოს ინდუსტრია ყველანაირ ძალისხმევას მიმართავს, მათ შორის ფასების სერიოზული ნამატით, ამავდროულად ლობირების სხვადასხვა მეთოდით. ერთ-ერთი უკანონო ქმედება, რომელსაც მასიური ხასიათი აქვს გახლავთ ექიმების ტრენინგები და კონკრეტული პირების დასპონსორება“, - განაცხადა გიორგი ბახტურიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024