სოციალურად დაუცველი მოქალაქეების დასაქმების პროგრამის ფარგლებში, საზოგადოებრივ სამუშაოზე 7 060 მოქალაქე დასაქმდა

ჯანდაცვის მინისტრის მოადგილის, თამარ ბარკალაიას განცხადებით, 1-ელი მაისის მდგომარეობით, სოციალურად დაუცველი მოქალაქეების დასაქმების პროგრამის ფარგლებში, საზოგადოებრივ სამუშაოზე 7 060 მოქალაქე დასაქმდა.

როგორც მინისტრის მოადგილე "ინტერპრესნიუსთან" საუბრისას აღნიშნავს, პროგრამის ფარგლებში, ამ დროისთვის, დაახლოებით, 22 000 ვაკანსიაა მობილიზებული.

მისივე თქმით, საზოგადოებრივ დასაქმებასთან დაკავშირებით მოქალაქეთა მიმართვიანობა მაღალია.

“ინფორმაციის მისაღებად 20 000-მდე ადამიანმა მოგვმართა. აქედან 7 060 მოქალაქე უკვე დასაქმებულია და ხელშეკრულებები გაფორმებული აქვს. დაახლოებით, 3 800-მა დასაქმების ფორმალიზება აირჩია, ანუ უკვე დასაქმებულია და დასაქმებას, ან თვითდასაქმებას გააფორმებს. დანარაჩენები ან მოფიქრების პროცესში არიან, ან დამატებით კონსულტირებას საჭიროებენ. მათ შორის არის რამდენიმე, რომელმაც მომზადება-გადამზადების პროგრამაში ჩართვა აირჩია, იმისათვის რომ უნარები აიმაღლოს და ჩვეულებრივ ღია ბაზარზე დასაქმდეს", - აღნიშნავს მინისტრის მოადგილე.

თამარ ბარკალაიას თქმით, წლის ბოლომდე 50 000-მდე სოციალურად დაუცველი ადამიანის დასაქმება იგეგმება და შესაბამისად, ვაკანსიების დამატება ეტაპობრივად მოხდება.

"ჩვენ აქტიურად ვმუშაობთ მუნიციპალიტეტებთან და სხვადახვა სახელმწიფო სიპებთან, რომ საზოგადოებრივი სამუშაოების საჭირობები გამოვლენილი იყოს და ვაკანსიები დაემატოს. პარალელურად, ბუნებრივია, ღია ბაზარზე დამსაქმებლებთან და დამსაქმებელთა ასოციაციებთან ვმუშაობთ. დასაქმების სააგენტოს აქტიური მუშაობა მიდის, რომ დღეს ბაზარზე არსებული ვაკანსიების შესახებ ინფორმაცია მაქსიმალურად მოიზიდონ და სოციალურად დაუცველ მოქალაქეებს ინფორმაცია ამის შესახებაც მისცენ, თუ რა ვაკანსიები არის მათ კონკრეტულ მუნიციპალიტეტებში ღია ბაზარზე," - განაცხადა თამარ ბარკალაიამ.

შეგახსენებთ, სოციალურად დაუცველი მოქალაქეებისთვის დასაქმების პროგრამა 1-ლი მარტიდან ამოქმედდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს