საგამოძიებო სამსახურსა და კონკურენციის ეროვნულ სააგენტოს შორის ურთიერთთანამშრომლობის მემორანდუმი გაფორმდა

საქართველოს ფინანსთა სამინისტროს საგამოძიებო სამსახურის უფროსმა - სოსო რამიშვილმა და საქართველოს კონკურენციის ეროვნული სააგენტოს თავმჯდომარემ - ირაკლი ლექვინაძემ ურთიერთთანამშრომლობის მემორანდუმს მოაწერეს ხელი.

საქართველოს ფინანსთა სამინისტროს საგამოძიებო სამსახურის ინფორმაციით, მხარეები შეთანხმდნენ, აქტიურად ითანამშრომლონ თავისუფალი და ჯანსაღი კონკურენტული გარემოს ხელშეწყობის, კონკურენციის დარღვევის თავიდან აცილებისა და აღკვეთის, კონკურენციის აღსრულების პოლიტიკის გაძლიერების მიზნით, ეკონომიკური აგენტებისგან ინფორმაციის მიღებისა და სრულყოფილი საგამოძიებო პროცესის წარმართვის, უწყებებს შორის ინფორმაციის გაცვლის, ექსპერტულ/მეთოდოლოგიური დახმარებისა და საკანონმდებლო ინიციატივების შემუშავების საკითხებზე.

„კონკურენციის ეროვნულ სააგენტოსთან მემორანდუმის გაფორმება კიდევ უფრო გააქტიურებს ჩვენი უწყებების თანამშრომლობას თავისუფალი კონკურენტული გარემოს განვითარებაში.

ჯანსაღი ბიზნესგარემოს დაცვა საგამოძიებო სამსახურის ერთ-ერთი მთავარი პრიორიტეტია. სამსახური მზად არის არა მხოლოდ აქტიურად გაცვალოს ინფორმაცია კონკურენციის სააგენტოსთან, არამედ იმუშაოს ერთობლივი საკანონმდებლო ინიციატივების შემუშავების საკითხზეც“,- განაცხადა საგამოძიებო სამსახურის უფროსმა სოსო რამიშვილმა.

„ძალიან მნიშვნელოვანი მემორანდუმია, თანამშრომლობა გულისხმობს ერთობლივი აქტივობების ღონისძიებების დაგეგმვას. განსაკუთრებით მნიშვნელოვანია თანამშრომლობა კონკურენციის კანონმდებლობის დარღვევის შემთხვევაში ინფორმაციის მიღების, დამუშავების, სრულყოფილი საგამოძიებო პროცესის წარმოების მიმართულებით გამოცდილების გაზიარების და საერთაშორისო პრაქტიკის დანერგვის მიმართულებით. ასე რომ ამ მემორანდუმის ფარგლებში, ჩვენ ძალიან ბევრ ერთობლივ ღონისძიებას განვახორციელებთ“,- განაცხადა კონკურენციის ეროვნული სააგენტოს უფროსმა ირაკლი ლექვინაძემ.

საგამოძიებო სამსახური და კონკურენციის ეროვნული სააგენტო დაგეგმავენ და ორგანიზებას გაუწევენ თემატურ შეხვედრებსა და კონფერენციებს.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ