ქეთევან ჩაჩავას განცხადებით, დემოკრატიული საზოგადოების მშენებლობის ფუნდამენტში სწორედ თავისუფალი მედიაა და ეს მონაპოვარი მუდმივ მოფრთხილებას და დაცვას საჭიროებს
„განვითარებისა და დემოკრატიის ცენტრის“ აღმასრულებელი დირექტორის ქეთევან ჩაჩავას განცხადებით, დემოკრატიული საზოგადოების მშენებლობის ფუნდამენტში სწორედ თავისუფალი მედიაა და ეს მონაპოვარი მუდმივ მოფრთხილებას და დაცვას საჭიროებს.
„მსოფლიო პრესის თავისუფლების საერთაშორისო დღეს აღნიშნავს. დემოკრატიული საზოგადოების მშენებლობის ფუნდამენტში სწორედ თავისუფალი მედიაა და ეს მონაპოვარი მუდმივ მოფრთხილებას და დაცვას საჭიროებს.
აქვე აღსანიშნავია რამდენად მნიშვნელოვანია ჟურნალისტების უსაფრთხოების დაცვა მათი პროფესიული მოვალეობის შესრულების დროს. ამისთვის აუცილებელია სახელმწიფომ და საზოგადოებამ გააკეთოს ყველაფერი, ვინაიდან თავისუფალი მედიის შეზღუდვა დემოკრატიული უკუსვლის გამოხატული ნიშანია.
შესაბამისად, კიდევ ერთხელ მოვუწოდებთ სამართალდამცავ ორგანოებს 2021 წლის 5 ივლისს ჟურნალისტების მიმართ მომხდარ მასობრივ ძალადობაზე მოახდინოს შესაბამისი რეაგირება, რათა კანონმდებლობის შესაბამისად დაისაჯონ ძალადობის განმახორციელებელი და დამაორგანიზებელი პირები“, - აცხადებს ქეთევან ჩაჩავა.
v-if="article.gallery" v-html="article.gallery"
