„ევექსი ჰოსპიტლებსა“ და USAID-ის პროგრამის „დამსაქმებლები პროფესიული განათლებისთვის“ შორის პროფესიული განათლების მიმართულებით ხელშეკრულება გაფორმდა

„ევექსი ჰოსპიტლებსა“ და USAID-ის პროგრამის „დამსაქმებლები პროფესიული განათლებისთვის“ შორის პროფესიული განათლების მიმართულებით ხელშეკრულება გაფორმდა. ამის შესახებ ინფორმაციას „ევექსი“ ავრცელებს.

მათივე ინფორმაციით, საგრანტო ხელშეკრულების ხელმოწერის ღონისძიებაში, რომელიც USAID-ის პროგრამის - “დამსაქმებლები პროფესიული განათლებისთვის” და “ევექსის ჰოსპიტლების” თანამშრომლობის ფარგლებში გაფორმდა, USAID/საქართველოს მისიის დირექტორმა, პიტერ ვიბლერმა მიიღო მონაწილეობა.

„კერძოდ, „ევექსი ჰოსპიტლები“ საქართველოს ჯანდაცვის სისტემაში არსებულ გამოწვევებზე იმუშავებს. საგრანტო აქტივობის მიზანი უნარების განვითარების სისტემაში ჩართულობის ახალი მოდელის დანერგვაა, რაც გააძლიერებს დასაქმების შესაძლებლობებს „ევექსის“ ქსელში შემავალ ჰოსპიტლებში.

საექთნო საქმის მართვის საუკეთესო პრაქტიკის თანახმად, „ევექსი ჰოსპიტლები“ შეიმუშავებს სასწავლო პროგრამასა და სერტიფიცირების პროცედურას საექთნო საქმის მენეჯერებისათვის, რაც, საბოლოო ჯამში, ჯანდაცვის მომსახურების ხარისხის გაზრდას ემსახურება.

საგრანტო ხელშეკრულებას ხელი მოაწერეს USAID-ის პროგრამის „დამსაქმებლები პროფესიული განათლებისთვის“ დირექტორმა, როსა კიაპემ და „ევექსი ჰოსპიტლების“ დირექტორმა, გიორგი მინდიაშვილმა”, - აღნიშნულია ინფორმაციაში.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო