ბელარუსმა მასშტაბური სამხედრო წვრთნები დაიწყო, - ინფორმაციას ბელარუსის თავდაცვის სამინისტრო ავრცელებს. ბელორუსის თავდაცვის სამინისტროს განცხადებით, წვრთნები მოიცავს სამხედრო ტექნიკის გამოცდას საბრძოლო მზადყოფნის შესამოწმებლად.
უწყების ცნობით, წვრთნები არც ევროპულ საზოგადოებას და არც მეზობელ ქვეყნებს საფრთხეს არ უქმნის.
მათივე განცხადებით, წვრთნების მიზანია შეაფასოს სამხედრო მოსამსახურეების მზადყოფნა და შესაძლებლობები კრიზისული სიტუაციების წარმოქმნისას სწრაფი რეაგირებისთვის. მათი თქმით, სამხედრო ნაწილები იმოქმედებენ უცნობ რელიეფზე და სწრაფად ცვალებად გარემოში. თავდაცვის სამინისტროს განცხადებით, უეცარი შემოწმება სწავლების ერთ-ერთი ყველაზე ეფექტური ფორმაა.