„თიბისი კონცეპტი“ „წიგნის კლუბი მარჯანიშვილის 7-ში“ შეხვედრების ახალ სერიას იწყებს

„თიბისი კონცეპტი“ „წიგნის კლუბი მარჯანიშვილის 7-ში“ შეხვედრების ახალ სერიას იწყებს. ამის შესახებ ინფორმაციას „თიბისი“ ავრცელებს.

მათივე ცნობით, სესიები შედგება თემაზე - „ქალთა იდენტობა ლიტერატურაში“. კლუბი უმასპინძლებს არაერთ საინტერესო სპიკერს. შეხვედრების განმავლობაში სტუმრები ისაუბრებენ ლიტერატურაზე და მიმოიხილავენ გამორჩეულ ავტორებსა და პერსონაჟებს. შეხვედრების სერია 7 მაისს იწყება და 25 მაისის ჩათვლით გაგრძელდება.

წიგნის კლუბს მარჯანიშვილის 7-ში, „თიბისი კონცეპტის“ სივრცის ბიბლიოთეკა მასპინძლობს. კლუბის მიზანი მკითხველებისათვის როგორც უცნობი, ასევე ნაცნობი და საყვარელი წიგნების აღმოჩენა, ცნობილი ნაწარმოებების ერთიანი კონტექსტის გაანალიზება და ავტორებისა და მათი პერსონაჟების ახლოს გაცნობაა.

„შეხვედრების სერია ამ ეტაპზე მოიცავს 3 კურატორსა და 6 შეხვედრას:

7 მაისი, 14:00 - ნატაშა ლომოური და კატო ჯავახიშვილი: ქალი მწერლები საბჭოთა რეპრესიების დროს

წიგნის კლუბის სტუმრები, მოგვიყვებიან რეპრესირებული ქალი მწერლების ისტორიას საბჭოთა პერიოდში. განიხილავენ წარსულში მიღებულ გამოცდილებასა და მასთან გამკლავების გზებს.. ისაუბრებენ 100 წლის წინანდელ საფრთხეებზე დღევანდელი მოვლენების კონტექსტში.

11 მაისი, 19:00 - ნატაშა ლომოური და ეკა ტოგონიძე: ომს არ აქვს ქალის სახე

ღონისძიების სტუმრები ისაუბრებენ ქალის თვალით დანახულ საბჭოთა ოკუპაციასა და ომზე. იმაზე, თუ როგორ ცვლის პოლიტიკური გადაწყვეტილებები ინდივიდუალური ადამიანების ბედსა და მათ მომავალს, ხოლო მეორეს მხრივ, რა გავლენას ახდენს ერთი ადამიანის მიერ მიღებული გადაწყვეტილებები ისტორიის მიმდინარეობაზე.

14 მაისი, 14:00 - ანა კორძაია-სამადაშვილი და რახელ გრაცფელდი: ერთ მუშტად შეკრული ქალთა ლიტერატურა

ღონისძების სტუმრები ისაუბრებენ იმ ცამეტ ქალ ავტორზე, რომლებმაც ქართული ამბები გაუზიარეს გერმანულენოვან მკითხველს და არამარტო.

შეხვედრაზე რეგისტრაცია 10 მაისს, 15:00-ზე გაიხსნება

18 მაისი, 19:00 - ანა კორძაია-სამადაშვილი და დავით მაჭავარიანი: გრაფიკული რომანის მზეთუნახავები

შეხვედრაზე საუბარი იქნება, ქალი პერსონაჟების სახეებზე „ვეფხისტყაოსნიდან“. ქალებზე, რომლებსაც თითოეული ჩვენგანი ძალიან კარგად იცნობს. დავით მაჭავარიანი მოგვიყვება ნესტან- დარეჯანსა და თინათინზე. იმ პერსონაჟებზე, რომლებმაც საუკუნეებს გაუძლო, მათ ხასიათსა და ნამუშევრად ქცევაზე.

შეხვედრაზე რეგისტრაცია 10 მაისს, 15:00-ზე გაიხსნება

21 მაისი, 14:00 სთ - გურამ ღონღაძე და ნინო კასრაძე: ქართველი ქალი პოეტების იდენტობა

წიგნის კლუბის სტუმრები, მიმოიხილავენ პოეზიის დანიშნულებასა და მისი გახალისების მნიშვნელობას. ისაუბრებენ ქალი ავტორების წვლილზე ქართულ პოეზიაში. შეეხებიან ისეთ ავტორებს როგორებიც არიან: ესმა ონიანი, ელენე დარიანი, ანა კალანდაძე და სხვა.

შეხვედრაზე რეგისტრაცია 17 მაისს, 15:00-ზე გაიხსნება.

25 მაისი, 19:00 - გურამ ღონღაძე და მარიამ გურგენიშვილი: ქალი ავტორები საყმაწვილო პროზაში

შეხვედრის სტუმრები ისაუბრებენ, ქალების როლზე საყმაწვილო ლიტერატურაში. განიხილავენ მწერლების თხრობის სტილს და მათ გავლენას მკითხველზე. შეხვედრაზე რეგისტრაცია 17 მაისს, 15:00-ზე გაიხსნება.

„თიბისი კონცეპტისთვის“ მნიშვნელოვანია ქალთა გაძლიერება და მათი დამოუკიდებლობის ხელშეწყობა. წიგნის კლუბის, 2022 წლის, მაისის სესიის შეხვედრები სწორედ ამ თემასა და ინტერესს ეყრდნობა. თიბისი არაერთ პროექტს ახორციელებს ქალთა როლის წარმოსაჩენად“,- აღნიშნულია ინფორმაციაში.

მათივე ცნობით, წიგნის კლუბის შეხვედრების წინა სერია „თიბისი კონცეპტის“ და „საბას“ თანამშრომლობის ფარგლებში გაიმართა. სტუმრებს საინტერესო და ნაყოფიერი შეხვედრა ჰქონდათ ხელოვანებსა და ლიტერატორებთან ერთად.

შეხვედრაზე დასწრება ყველა „თიბისი კონცეპტის“ მომხმარებლებისთვისაა შესაძლებელი, წინასწარი რეგისტრაციით საიტზე www.conceptevents.ge -ზე, რის შემდეგაც კონცეპტ ასისტენტი შეხვედრაზე დასასწრებ ბილეთს გამოგიგზავნით.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში